Çatlaq, sıyrıq və kəsikləri vaxtında aşkar edib,(lazım gələrsə,böyüdücü lupa və ya güzgüdən istifadə etmək olar) dərhal həkimə müraciət edin!
Ayaqları hər gün ilıq su ilə yumaq və xüsusən barmaq aralarını tam qurulamaq lazımdır. Neytral sabunlardan istifadə edin!
Dırnaqları təxminən 10 gün fasilə ilə düzgün kəsmək lazımdır,yəni çox qısa və dərin kəsmək olmaz, düz kəsmək lazımdır. Dırnaqların nahamarlığını düzəltmək üçün hamarlayıcı bıçqıdan istifadə etmək lazımdır.
Ayaqqabı yumşaq, geniş olmalı və təzə ayaqqabının pəncəni döyməməsi üçün, çox ehtiyatla istifadə etmək lazımdır. Geyilən corab pambıq, tər hopduran olmalıdır. Sintetik məhsullardan istifadə qadağandır!Qan dövranına mane olan tarım rezinli corablar geyməyin!Corabın yuxarı hissəsi sıxıcı,kəsici olmamalıdır! Uzun zaman yol gedərkən ayaqlarınıza imkan daxilində rahatlıq verin!
Ayaqqabıya kiçik daş və qum dənəciklərinin düşməsinə imkan verməyin!
Pəncələri zədələnmədən həmişə qoruyun,torpaq və daşlıqda gəzməyin!
Qrelkadan, plastırdan istifadə etməməli, ayağı buxara verməməli, ilıq su ilə yumalı və qabarı ilıq su ilə yumşaltmağı unutmayın!
Ayaq dərisinin elastikliyini saxlamaq üçün nəmləndirici kremlərdən(əgər daban çatlamağa çox meyillidirsə nəmləndirici kremlər) istifadə edin!
Kremi pəncənin alt hissəsinə sürtmək, barmaqların arasına isə pudra,talk vurmalı!
Ayyaqqabı tam ortopedik olmalıdır. Qadın ayyaqqablarının dabanları 3-4 sm-dən hündür olmalı deyildir.
Ayaqlarınızın tam soyumasına imkan verməyin. Donmalardan özünüzü qoruyun! Nəm və tərli corabları dərhal dəyişin!
Ancaq pambıq corablardan istifadə edin. Ayaqyalın gəzməyin!
Rahat, yüngül, lakin qalın dabanlı həyət ayaqqabısı və evdə tərlikdən istifadə edin!
